Top Social Icons

Left Sidebar
Left Sidebar
Featured News
Right Sidebar
Right Sidebar

Gift2Sri

suj

Friday, May 04, 2018

வீரம் விதை கொண்ட மண்...............!!! கவிப்புயல் சரண்

Currently online
கள்ளத் தோணியர் நாம்
சொல்லித் திரிந்த பகை
கொல்லத் துடித்ததெம் மண் -அது
வீழாப் புகழ் கொண்ட மண்

வெல்லத் திறம் கொண்டு
வேங்கை வழி சென்று
அள்ளிப் பகை தின்ற மண் -இது
அடங்காப் புகழ் கொண்ட மண்

தாயும் தந்தையரும்
தமிழின் பிறகு என்று
தானை நடத்திய மண் -இது
சேனைத் தமிழவன் மண்

வேகம் கொண்டு நிற்க
வேங்கை வழியதுவே சாலச்
சிறந்ததென்று ஆழப் பிறந்ததெம் மண் -இது
வாழத் துடித்தவர் மண்.

பகை காலில் பணியோம் என்ற
பாசறை வீரம் கண்டு
சாகத் துணிந்ததெம் மண் -உலகில்
ஆகச் சிறந்ததெம் மண்

கொள்கை எனும் நெருப்பில்
கோலப் புடங்கள் இட்டு
உயிர் அள்ளித்தெறித்ததெம் மண் -கடல்
உப்புக் கரித்ததெம் மண்

வல்ல தலை இருந்தும்
நல்ல படை நடந்தும்
துரோகத் தீயில் விழுந்ததெம் மண் -பகை
இன்றும் பயந்திடும் மண்

அந்தப் பொழுது கண்ணில்
வீழ்ந்த உடல் நினைந்து
வெல்லத் துடிக்கிறது- மண்
உடல் வெம்பி வெடிக்கிறது ......

          நன்றி
கவிப்புயல் சரண்

jj

Responsive Full Width Ad


Copyright © 2016 Yarlitrnews, powered by Suj.