Top Social Icons

Left Sidebar
Left Sidebar
Featured News
Right Sidebar
Right Sidebar

Gift2Sri

suj

Wednesday, August 08, 2018

நல்லா_இருக்கிறியா_ராசா..!

Currently online
விட்டுப் போகும் நேரத்திலும் 
உனை தொட்டு அணைக்க
என்றும் தவறவில்ல
தூரத்தில் நீ இருந்தாலும் 
தொட்டில் பாசம் மாறவில்லை

நல்லா_இருக்கிறியா_ராசா_

சின்ன சின்ன ஆசையெல்லாம்
சிதைந்து போய் கிடக்குதைய்யா
உன் அழைப்பை எதிர்பார்த்து 
செவி இன்னும் விழிக்குதைய்யா
உன் முகத்தை தினம் பாக்க
இமைக் கதவும் துடிக்குதைய்யா

வயதுக்கு வந்திட்டாய் 
திருமணம் பண்ணி வைச்சிட்டன்
எனக்கு வயசாகிப் போட்டுதைய்யா
செத்திடுவன் போலிருக்கு 
நீ நல்லா இருக்கிறியா 
அது போதும் இந்தக் கட்டைக்கு

பாசத்தில அடிச்சிருக்கன்
உனை நல்லவனா வளர்த்திருக்கன்
பகுத்தறிவு கற்றிருக்க 
பக்குவத்த புரிந்திருக்க 
நீ நல்லவனா இருந்திடனும்
நாளு பேரு மதித்திடனும் 
இது எனது ஆசை ராசா

அம்மாவ நினைத்து நீ
கவலையேதும் பட்டிடாத
குடும்பத்தை தினமும் நீ
நல்லபடி காத்திடைய்யா
ஒரு ஆசை உண்டு ராசா
உனக்கோ சோறூட்ட
எத்தனை பொய் சொல்லிருக்கன்

நான் கண் மூடும் முன் 
ஒருவாட்டி சோறூட்டி விடுவாயா
என் மடியில் நீ தூங்கி 
மறு வாழ்வு தருவாயா 
நான் இறந்து இன்றே
கட்டையில போனாலும் 
என் ஊசிச் சட்டையில 
என்றும் நீ இருப்ப

நல்லா இருக்கிறியா ராசா
வேளைக்கு சாப்பிடைய்யா
வெய்யில்ல நிக்காத 
மழைத் துளியில் நனையாத
குளங்களுக்குப் போகாத
குறும்புகளும் செய்யாதே

நீ வளர்ந்ததே தெரியவில்ல
அன்று நீ கை பிடிச்சு
பள்ளிக்கு வருகையில 
ஓடிப் போய் ஒளிவாயே 
அந்த நினைவே வருகுதைய்யா
உனக்கு வேலைக்கு நேரமாச்சு
தொந்தரவு செய்யவில்ல
நீ நல்லா இருந்திடனும் 
இது அம்மாவின் ஆசை ராசா

           நன்றி 
வன்னியூர் கிறுக்கன்
jj

Responsive Full Width Ad


Copyright © 2016 Yarlitrnews, powered by Suj.