Top Social Icons

Left Sidebar
Left Sidebar
Featured News
Right Sidebar
Right Sidebar

Gift2Sri

suj

Wednesday, August 01, 2018

வீரத்தால் ஒன்றாகு விடுதலையே மூச்சாகும்.............!!! கவிப்புயல் சரண்

Currently online
வந்தாடும் பகைவனிடம் 
வென்றாடப் படை நடத்தி
விழிமுடிப் போனவரின் 
ஈகம் நினைக்கிறோம்

சென்றாடும் களமுனையில்
வென்றாட வேண்டும் என்று
பகையோடச் செய்தவரின்
பாசம் புரிகின்றோம்

மழையோடும் ஆறு எங்கும்
மரமாடும் காடு எங்கும்
கந்தகத்தை காவி எங்கள்
கடமை முடிக்கிறோம்

செந்தமிழை வாழவிடும் 
எம்தமிழை ஆள விடும் 
சிங்களமே மீறி விடில்
மோதி வெடிக்கிறோம்

நமக்கென்று ஒரு நாடு
நம் சொந்தம் நம் வீடு 
நம்பிக்கை தளர்வின்றி 
நடையே பயில்கின்றோம்

ஈருடல் ஒருயிராம் 
காதலின் உயிர் வேராம் 
ஈழத்தின் இருப்பிழந்தே
இன்னும் துயில்கிறோம்

காயங்கள் ஆறவில்லை 
சோகங்கள் தீரவில்லை 
சொந்தமண் உணர்வு மட்டும்
சொர்க்கமாய் தெரியுதங்கே

வலி தந்தோன் வாழ்ந்ததில்லை
வல்லமைகள் தாழ்ந்ததில்லை 
கோபுரங்கள் சாய்வதெல்லாம் 
குடிசைகளின் குமுறலில் தான்

தேசமதை நெஞ்சில் நினை 
வீரமதை பிஞ்சில் விதை 
சூரியனின் கதிர் ஒன்றே
சுடும் நிலவு குளிர்விக்கும்

வீரத்தால் வெகுண்டு எழு
விடுதலையால் வென்றாவோம் 
தீரத்தால் களம் கண்டு
ஈழத்தில் ஒன்றாவோம்...

        நன்றி 
கவிப்புயல் சரண்
jj

Responsive Full Width Ad


Copyright © 2016 Yarlitrnews, powered by Suj.