Top Social Icons

Left Sidebar
Left Sidebar
Featured News
Right Sidebar
Right Sidebar

Gift2Sri

suj

Thursday, January 03, 2019

தமிழ் என் காதலி............!!!!!!! கவிப்புயல் சரண்

Currently online
உள்ளத்து உணர்வில் எல்லாம்
உரிமையாய் புகுந்த மகள் 
கள்ளத்துப் பார்வையினால் 
கனிவாக்கிக் கொள்ளை கொண்டாள்

கற்பனையில் அவள் உருவம் 
கண்ணெதிரே தீட்டி உள்ளேன் 
வெள்ளை உள்ளம் கொண்டதனால்
வெண்மை அவள் தேகம் என்பேன்

கள்ளம் இல்லாச் சிரிப்பழகில் 
கொள்ளை கொள்ளும் தமிழணங்கே 
உள்ளம் எல்லாம் உருவகத்தில் 
அள்ளி வரும் மொழிமுதலே

கன்னியவள் காதல் என்னில் 
கலையாத மோகமவள்
எண்ணியவள் சில நொடியில் 
என்னுள்ளே புகுந்திடுவாள்

கனவொன்றும் கண்டதில்லை
நினைவொன்றில் அவள் முகமே
பிரிவொன்று வரும் என்றால்
உயிரன்று அறுந்திருக்கும்

காதலில் உச்சம் தந்தாள் 
கண்மடல் சிமிட்டி கொண்டாள்
சாதலில் அச்சம் இல்லை
என் தமிழ் துணையுடையாள்.

என்னவள் தமிழணங்கு 
என்னுடன் துணையிருப்பாள் 
எழுதிடும் என் கவியில்
எளிமையாய் இருந்திடுவாள் ..

         நன்றி 
கவிப்புயல் சரண்

jj

Responsive Full Width Ad


Copyright © 2016 Yarlitrnews, powered by Suj.