Top Social Icons

Left Sidebar
Left Sidebar
Featured News
Right Sidebar
Right Sidebar

Gift2Sri

suj

Thursday, February 14, 2019

நான் உயிரிழந்தால் இவ்வாறு செய்யுங்கள் ; முருகன் உருக்கமான கடிதம் !!

Currently online
தான் இறந்துபோனால் தனது உடலை என்ன செய்ய வேண்டும் என்று சிறை கண்காணிப்பாளருக்கு முருகன் கடிதம் எழுதியுள்ளார். 

இதுதொடர்பான தகவலை நளினி மற்றும் முருகனின் வழக்கறிஞர் புகழேந்தி தெரிவித்துள்ளார்.

வேலூர் மாவட்டம் தொரப்பாடி ஆண்கள் மத்திய சிறையில் முன்னாள் பிரதமர் ராஜீவ் காந்தி கொலை வழக்கில் தண்டனை பெற்று வரும் முருகன் அடைக்கப்பட்டுள்ளார். இந்நிலையில் அவர் தனது வழக்கறிஞர் புகழேந்தியைச் சந்தித்துப் பேசியுள்ளார்.  பின்னர் பெண்கள் சிறையிலுள்ள நளினியை வழக்கறிஞர் சந்தித்து பேசினார். 

பின்னர் செய்தியாளர்களிடம் புகழேந்தி கூறுகையில், 
தங்களை விடுதலை செய்யக்கோரி ஐந்து மாதங்களுக்கு முன்னர் அமைச்சரவை ஒப்புதல் அளித்தும் இன்னும் விடுதலை செய்யாததால் மன உளைச்சலில் இருப்பதாக முருகன் கூறினார். 

இதனால் கடந்த இரண்டாம் திகதி முதல் முருகன் உண்ணாவிரதம் இருந்துவருவதால் உடல் நிலை மோசமடைந்து, இன்று இரண்டு பாட்டில் குளுக்கோஸ் ஏற்றப்பட்டு மிகவும் சோர்வாக உள்ளார். 

இந்நிலையில் சிறைக் கண்காணிப்பாளரிடம் முருகன் ஒரு கடிதம் அளித்துள்ளார். அதில் தான் சிறையில் உயிரிழக்கும் நிலை ஏற்பட்டால் தமிழக முதல்வர் எடப்பாடி பழனிசாமி தலையிட்டு, தனது உடலை ஏதேனும் ஒரு மருத்துவமனைக்கு தானமாக வழங்க வேண்டுமென கடிதத்தில் குறிப்பிட்டுள்ளார்.

அதே போல் தங்களுக்காக தீர்மானம் நிறைவேற்றிய தமிழக அரசுக்கும், அமைச்சர்களுக்கும் மற்றும் தங்களின் விடுதலைக்காக குரல் கொடுத்த அரசியல் தலைவர்களுக்கும், பத்திரிகையாளர்களுக்கும், பொதுமக்களுக்கும் இறுதி நன்றி என கடிதத்தில் கூறியுள்ளார். 

பின்னர் பெண்கள் சிறையில் நளினியை சந்தித்தேன். அவரும் உண்ணாவிரதம் இருப்பதால் மிகவும் சோர்வாக காணப்பட்டார். அவருக்கு குளுக்கோஸ் ஏற்றப்பட்டுள்ளது. இருவரும் தங்களை விடுதலை செய்ய வேண்டும் என கோரிக்கை வைத்துள்ளதாக கூறினார். 
jj

Responsive Full Width Ad


Copyright © 2016 Yarlitrnews, powered by Suj.