Top Social Icons

Left Sidebar
Left Sidebar
Featured News
Right Sidebar
Right Sidebar

Gift2Sri

suj

Saturday, March 09, 2019

வேலைக்கு சென்ற தாய் வீடு திரும்பிய போது அசைவற்று கிடந்த குழந்தைகள் !!

Currently online
சமையல் எரிவாயு சிலிண்டர் கசிவால் 13 வயது சிறுவன் உயிரிழந்துள்ளதுடன் 5 வயது சிறுவன் கவலைக்கிடமாக உள்ளார்.
வெளியில் பூட்டப்பட்ட வீட்டுக்குள் இருந்த சமையல் சிலிண்டரிலிருந்து எரிவாயு கசிந்ததன் காரணமாக, உள்ளுக்குள் இருந்த இரண்டு சிறுவர்களில் ஒருவர் உயிரிழந்தும் மற்றொரு சிறுவன் நினைவிழந்தும் மீட்கப்பட்ட சம்பவம் சோகத்தை ஏற்படுத்தியுள்ளது. 

பெங்களூரின் ஜோதி நகர் பகுதியில் கணவனை இழந்த கலாவதி என்ற பெண் தனது இரு மகன்களுடன் வசித்து வந்தார். நேபாளத்தை சேர்ந்த இவர், காலை 6 வேலைக்குச் சென்றுவிட்டு, 2 மணிநேரத்தில் வீடு திரும்பி விடுவது வழக்கம். அப்போது சிறுவர்கள் இருவரும் வீட்டுக்குள் தான் இருப்பார்கள். மகன்களின் பாதுகாப்பாக அவர்களை வீட்டுக்குள் வைத்து பூட்டி விடுவது கலாவதியின் வழக்கம். 

கடந்த வெள்ளியன்று, அவர் வழக்கம் போல வேலைக்குச் செல்வதற்கு முன் தனது மகன்களை வீட்டுக்குள் வைத்து பூட்டி விட்டுச் சென்றார். மீண்டும் வீடு வந்த சேர்ந்த போது, தனது இரண்டு மகன்களும் அசைவற்று கிடப்பதை கண்டு அதிர்ச்சி அடைந்தார். 

இதனால் கலாவதி கதறத்தொடங்க, அந்த சத்தத்தை கேட்டு அருகிலிருந்தவர்கள் ஓடி வந்தனர். உதவிக்கு வந்தவர்கள் நிலைமையை உணர்ந்து அவசர ஊர்தியை அழைத்தனர். 

அவசர ஊர்தியில் வந்த மருத்துவ பணியாளர்கள், சமீர் மற்றும் சஷீரை பரிசோதித்த போது, சமீர் உயிரிழந்து விட்டதை உறுதி செய்து கொண்டனர். சஷீர் சுயநினைவின்றி இருப்பது தெரியவந்தது. அதை தொடர்ந்து அவர்கள் தனியார் மருத்துவமனையில் அனுமதிக்கப்பட்டார். 

தற்போது சிறுவன் சஷீருக்கு தீவிர சிகிச்சை அளிக்கப்பட்டு வருகிறது. இதற்கிடையில் இந்த சம்பவம் தொடர்பாக போலீசார் விசாரித்த போது, கலாவதி கேஸ் அடுப்பை அனைத்து விட்டு தான் வேலைக்கு சென்றுள்ளார். ஆனால் எப்படியோ அடுப்பிலிருந்து எல்.பி.ஜி வாயு கசிந்துள்ளது. இதனால் மூச்சுவிட முடியாமல் சிறுவர்கள் உயிரிழந்துள்ளனர் என்பது தெரியவந்தது. 

இந்நிலையில், சமையல் எரிவாயு சிலிண்டர் பராமரிப்பு மீது அலட்சியம் காட்டியதாக ஏஜென்சி மீது பொலிசார் வழக்குப் பதிவு செய்துள்ளனர். இந்த சம்பவம் அப்பகுதி மக்களிடையே சோகத்தை ஏற்படுத்தியுள்ளது. 
jj

Responsive Full Width Ad


Copyright © 2016 Yarlitrnews, powered by Suj.