Top Social Icons

Left Sidebar
Left Sidebar
Featured News
Right Sidebar
Right Sidebar

Gift2Sri

suj

Saturday, March 16, 2019

பொள்ளாச்சி வன்கொடுமை ; திருநாவுக்கரசிடம் சிபிஐடி தீவிர விசாரணை !!

Currently online
பொள்ளாச்சி பாலியல் வன்கொடுமை விவாகரத்தில் முக்கிய குற்றவாளியான திருநாவுக்கரசிடம் சிபிஐடி காவல்துறையினர் தீவிர விசாரணையில் ஈடுபட்டுள்ளனர்.

பொள்ளாச்சி பாலியல் வன்கொடுமை வழக்கில் திருநாவுக்கரசு, சபரி ராஜன், சதீஷ், வசந்தகுமாா் ஆகிய நான்கு போ் கைது செய்யப்பட்டுள்ளனா். 

இந்த வழக்கில் திருநாவுக்கரசு தலைமறைவாக இருந்து கைது செய்யப்பட்ட நிலையில், அவா் தான் இந்த வழக்கின் முக்கியக் குற்றவாளியாக இருக்கலாம் என்று கூறப்படுகிறது. 

நேற்று, பாதுகாப்பு நலன் கருதி பொள்ளாச்சி குற்றவியல் நடுவா் நீதிமன்றத்தில் காணொலி காட்சி மூலம் ஆஜா்படுத்தப்பட்ட திருநாவுக்கரசுவுக்கு நான்கு நாட்கள் சிபிசிஐடி காவல் வழங்கி உத்தரவிட்டது. 

அதை தொடர்ந்து அவரிடம் சிபிசிஐடி காவல்துறையினர் தீவிர விசாரணை நடத்தி வருக்கின்றனர். 

தற்போது திருநாவுக்கரசு ரகசிய இடத்தில் வைத்து விசாரிக்கப்பட்டு வருவதாகவும், இந்த வழக்கு தொடர்பான பல்வேறு முக்கிய தகவல்களை அவர் பொலிசாரிடம் கூறியுள்ளதாகவும் தகவல்கள் வெளிவந்துள்ளன. 

எனினும், இது பொலிசார் தரப்பிலிருந்து உறுதிப்படுத்தவில்லை.

இந் நிலையில், பொள்ளாச்சி பாலியல் வழக்கில் கைது செய்யப்பட்டுள்ள குற்றவாளிகளுக்கு உரிய தண்டனை கிடைக்க வேண்டும், நேர்மையான முறையில் விசாரணை நடத்த வேண்டும் என்று வலியுறுத்தி மாநிலத்தின் பல்வேறு பகுதிகளில் மாணவர்கள் உள்ளிட்ட பலர் போராட்டம் நடத்தி வருகின்றனர். 

இந்த விவகாரம் தொடர்பக சிபிசிஐடி காவல்துறை தொடங்கியுள்ள நிலையில், மாணவர்களின் போராட்டம் இன்றும் தொடர்கிறது. 
jj

Responsive Full Width Ad


Copyright © 2016 Yarlitrnews, powered by Suj.